O se fiafiaga sili i mātua ma aiga o le alii o Ioane Philo Falelua (Ale) Brown, o ia o se alo Samoa e alaala i Melepone, ona ua faamanuiaina e avea ma tama taalo lelei o le tausaga, na maua ai lona faailoga. O le mae‘a ai o le Under 12’s Grand Final a le setete o Melepone i le taaloga soka, sa sue siamupini ai le ‘au o loo taalo ai Ioane, le Upfield ma le Box Hill United. O le iuga o le taaloga, o le Upfield 6 – 2 Box Hill United.
O le alii o Ioane Philo Falelua (Ale) Brown, o se alo e faasino i le tamā ia Sa’u Osovale Brown ma le tina ia Elisapeta.
O Ioane e mai ona alaalafaga o Fagaloa, Lefaga, Falelatai, & Tafitoala, Sataoa, Luatuanuu.
E iai foi isi tomai o le alii o Ioane Philo Falelua, e pei ona tomai ai i le taaloga o le Taekwondo & Martial Art.
O le taimi nei lea ua siamupini ai le Upfield Soccer Club i le latou U-12’s i le setete atoa o Melepone.
