E moni lava upu o le Tusi Paia, “aoao le tama e tusa ma ona ala a oo ina matua e lē toe tea ese ai.” E maualuga le faamanū ma le faafetai i le Atua auā ua tali talosaga sa molia pea i aso faisoo. Faafetai Kathy i lou faaeaea aiga aemaise lou tali manao. Se mea lava ina a lelei o le teine ae poto na te faafiafiaina mātua ma aiga.
Faafetai ua e maua le faaailoga o le Business Accounting o le vasega 12 o le tausaga atoa i le Redbank Plains State High School. Tatalo pea i le Atua e faamanuia i lou olaga tuputupu a‘e ma ia avea pea oe o se teine lelei. Manuia ou laasaga uma mo le lumanai.
Alofaaga mai ou aunties ma uncles, cousins ma aiga uma lava i Samoa, Niu Sila ma Ausetalia ae afe ma afe alofaaga mai ou mātua o Solamalemalo Satai ma Tina Maiava faapea ou uso ia Sia, Nina, ma ou tuagane ia Tresh, Joseph ma Tuna aemaise nai ou nephews o Paul ma Roman, faapea ou nieces o Sia Jr ma Ivy ma aiga uma.
