E lua aso na faagasolo mai ai le taamilosaga volipolo a alii sa faatautaia e le Lionheart Promotion e pei ona amata mai i le Aso Toonai ae faamae‘aina i le Aso Sa. E maoae le matagofie o lea foi taamilosaga i le faafiafiaina o ‘au uma sa tausinio.
E ono ‘au sa auai mai e aofia ai Sydney, Townsville ma Kuiniselani. Na sola ma le ‘au a le Patitaoto le siamupini o le taamilosaga, na maua a latou pine auro, talita ma le seleni tupe e tusa ma le $5,000.00.
Tulaga lua le New Era mai Townsville, pine siliva ma le faaailoga tupe e $2,000, ae tulaga tolu le Spiders na maua pine apamemea ma le faaailoga tupe e $1,000.
O nisi o faaailoga faaopoopo e aofia ai le best uniform – New Era $300
MVP – Fiso Savea mai le au a le Patitaoto e $200 O le isi taamilosaga a le Lionheart Promotion o le a faia lea i le aso 4 ma le aso 5 o Oketopa o le a auai alii ma tamaitai i lea foi taamilosaga faitaulia.
E momoli le agaga faafetai i le afioga ia Fuamatu Alex Leapai ma le Lionheart Promotion auā e lē faigofie lenei foi taumafaiga auā le faalauiloaina o taleni a alo o le atunuu aemaise le sailiga o faailoga.
