[et_pb_section fb_built=”1″ _builder_version=”4.3.2″][et_pb_row _builder_version=”4.3.2″][et_pb_column _builder_version=”4.3.2″ type=”4_4″][et_pb_text _builder_version=”4.3.2″ hover_enabled=”0″]
E ui lava i le aave o tala ma le masau mai o le faama’i matautia o le coronavirus, ae lei faafiti ai le toe tuufaatasia o Asosi o tama ma teine tuai a kolisi a le Ekalesia Katoliko o aumau i Brisbane, e pei ona feiloai ai i le po o le Aso Toonai aso 14 o Mati.
O lea faatasiga se’i toe iloilo atili ma faamautu nisi o faamoemoe o lenei tausaga ma talanoaina le tele o vaega lelei e mafai ona fesoasoani ai le isi Asosi i le isi Asosi ae lē gata i lea e faamautu ma totō le fatu o le fealofaniga i mafutaga e mafai ai ona ofoina fesoasoani mo Samoa ma le fausia lava o le nofo lelei.
O le isi itu lelei o lea mafutaga o le faamasani lea o tama ma teine ma o latou aiga auā o a latou paaga poo aiga, o vae ma lima ia e mafai ai ona tupu ma ola nei mafutaga e ala i la latou lagolago malosi. Sa lei avanoa le Asosi a SMOGA ona o le pisi, sa lei auai uma foi sui o COSA ua na’o nisi. E lei auai uma sui o Tama tuai o le Malisi ae sa auai sui o St Paul VI.
O le susuga i le faafeagaiga EFKS ia Rev Perelini Tauilo sa saunia le tatalo amata ma saunoa i se upu faamalosi mo sui uma o Asosi ina ia lototetele e faia galuega lelei ma ia tumau le faimea fiafia. O le galulue faatasi e fusia ai le fealofaniga ma le alofa i le va o uso ma tuafāfine.
Na saunoa lana auauna, ia aua na’o taimi o Misasa e feiloai ai ae ia faamasani atili pea ma tagata uma e oo lava i o latou taitoalua ma aiga. Sa talanoaina nisi o fuafuaga auā le lelei ma le mautu o nei asosi, o le va i fafo ma tagata ae sili ai auaunaga i le Atua ma lona finagalo.
Ua fuafua o le a faia se suavai tuufaatasi i se aso i le maota o le faafeagaiga ia Rev Perelini ma le faletua ia Tili Tauilo i se taimi e toe fofogaina ai Asosi ma tapena atu ai mo le combine tele auā e vave lava le alu o le tausaga.
[/et_pb_text][/et_pb_column][/et_pb_row][/et_pb_section]
