Malosi le fesoasoani Tausi Soifua Samoa Aukilani mo Samoa

[et_pb_section fb_built=”1″ _builder_version=”4.3.2″][et_pb_row _builder_version=”4.3.2″][et_pb_column _builder_version=”4.3.2″ type=”4_4″][et_pb_text _builder_version=”4.3.2″ hover_enabled=”0″]

O le faalapotopotoga Tausi Soifua Samoa i totonu o Niu Sila sa faavaeina i le 1988, o se faalapotopotoga ua vaevaeina i ni Lālā se tolu mai le amataga.
O le faalapotopotoga Tausi Soifua Samoa i totonu o Niu Sila sa faavaeina i le 1988, o se faalapotopotoga ua vaevaeina i ni Lālā se tolu mai le amataga.

O le faalapotopotoga Tausi Soifua Samoa i totonu o Niu Sila sa faavaeina i le 1988, o se faalapotopotoga ua vaevaeina i ni Lālā se tolu mai le amataga. O itumalo o Ueligitone, Kalaiesetete, ma Aukilani lona amataina ona e fuafua i le nofoaga e aumau ai nisi o tausi soifua.

O le ofisa tutotonu a lenei Mafutaga o loo i Ueligitone, a’o lālā mai itumalo taitasi ia e galulue agai i le ofisa tutotonu mo le taimi nei auā tu ma aga a lenei Mafutaga ina ia lagolagoina ma fuafuaina le Soifua Maloloina o Tausi Soifua faapea tagata galulue o loo aumau i Niu Sila. O se tasi o galuega poo auaunaga a lenei Mafutaga e fesoasoani mo nisi o Uso Malaga mai Samoa, ua maua a latou nofomau o le faasinoina lea o auala e amata ai ona faailo galuega e tatau ona ia maua a latou pepa ina ia lesitalaina ai i latou i totonu o NZ.

O le Lālā o Aukilani o loo peresetene ai le afioga ia Loli Mesepa Selau, ua ova i le 40 Tausi Soifua Samoa ua lesitalaina i Aukilani lava latou, ma auai i totonu o lea mafutaga ae talu ai ona o tiute ma galuega e eseese ai taimi e mafua ai ona lē auai mai nisi ae o loo lesitala pea i galuega fai.

O le falapotopotoga i Aukilani o loo faapitoa lava na’o Tausi Soifua mai Samoa faapea foi alo ma fanau na faananau i Niu Sila nei. O le matou galuega o loo faatino mo tausi soifua e malaga mai Samoa, o le aapa atu lea ma faamaopoopo mai tamaitai ma alii Tausi Soifua mai Samoa ma fesoasoani i ai mo ni vaega o loo fia manaomia ai le latou fesoasoani i le toe faaauauina lea o le latou tautua faatausi soifua i totonu o lenei atunuu.

O le tele o tamaitai ma alii tausi soifua ia o loo malaga mai i Samoa ma nonofo mau i Aukilani, o loo iai lava le latou naunautaiga e toe fia avea ma Tausi Soifua, ae pagā lea e lē mafai ona faaauauina le latou tautua faatausi soifua i nei atunuu pe a lē ui i auala o loo faatinoina ai galuega i Niu Sila. Ma e lē mafai foi ona resitala le tagata e avea ma Tausi Soifua pe a lē pasi mai auala ia o loo faagasolo ai galuega faalesoifua maloloina i nei atunuu.

O le tāua lea o le mafutaga a tausi soifua Samoa o loo i totonu o Aukilani o le faamaopoopo mai o Tausi Soifua Samoa a le tatou atunuu lea ua malaga mai ma taumafai atu i ai le galuega fesoasoani ina ia mafai ona ausia le manaoga o loo iai o le toe fia avea lea ma Tausi Soifua Faauuina i totonu o Niu Sila.

Pei ona faailoa le finagalo o le afioga i le peresetene ia Loli Mesepa Selau, e fai lava si faigata o auala o loo uia e uso ma tuagane e malaga mai Samoa ma isi foi atunuu o le lalolagi e mafai ai ona resitalaina faaletulafonoina. Ona e iai le suega o le Igilisi e tatau ona sue muamua, ina ia mafai ai ona resitala le foma’i tausi soifua, a mae’a lea ona pasi atu lea i le Nursing Council ina ia mafai ona iloilo ai se nofoaga poo se falema’i e tatau ona alu i ai lea Tausi Soifua e galue ai, mo se tasi le tausaga poo le ono masina auā e uma loa le umi o loo tuuina atu e galue ai ona avea loa lea ma NZ Tausi Soifua faauuina.

Ua tele Tausi Soifua ua malaga mai Samoa ma fia galulue i le galuega auā ua loa ai lo latou silafia mai si o tatou atunuu ae pagā lea ua faavaivai lava o tatou tagata ona o auala o loo uia ai le tele o feuiaiga o tulafono o galuega a lenei atunuu. Ae lē tuua ai lava le galuega a faa-Samaria agalelei lea a le Mafutaga Tausi Soifua a Samoa i Aukilani, o le faamalosiau lea i o tatou tagata ina ia aua ne’i faavaivai i auala e ono maua ai le galuega faa-Tausi Soifua Samoa.

O le upu a nai o tatou tina o le galuega “O teine tausima’i “There is no sunset, only sunrise”. E toatele foma’i mai Samoa o lea ua manuia a latou taumafaiga, ona o galuega o loo fesoasoani i ai le Mafutaga a Tausi Soifua. I nisi auala, ma avea o se Mafutaga e mapu i ai i le tele o galuega faigata i totonu o Matagaluega i Niu Sila, o se avanoa e fai ai ni tala e ata ai, poo le toe talatalanoa foi i tala mālie ma tala faamanatu i tu ma aga o le olaga i Samoa i le nofoaga sa fofoaina mai ai olaga o Tausi Soifua i Matootua (Nursing Home).

O nisi mataupu matou te fia ofoina lea o se matou Tautua i Niu Sila i tagata Samoa i le faaaogāina lea o le gagana e faailo ai nisi o galuega faailoa mo nai o tatou tagata. E faatinoina lea i Aso Sa e lua o masina taitasi lea Mafutaga. Ma o loo galulue faatasi foi le mafutaga i Aukilani nei ma le Tausi Soifua Samoa e ala lea i le faailoa o manaoga i le manaomia o Tausi Soifua mai Niu Sila e fesoasoania i tami o manaoga e pei o le Tsunami ma le Misela aemaise foi nisi o galuega i konelarate taitoatasi e lē gata foi i lea o le fesoasoani mo nisi o tamaitai Tausi Soifua i nisi o fuafuaga mo pepa i Koneferenisi i Niu Sila nei ae o loo iai lava lona naunautaiga e faaauau lana tautua faatausi soifua.

[/et_pb_text][/et_pb_column][/et_pb_row][/et_pb_section]