E oo mai le taimi na tusia ai lenei lipoti, ua silia i le $18,000 le seleni na lipotia mai sa mafai ona aoina ma tuufaatasia i se sailiga tupe a le aoga a nai fanau teine, le Diocesan School for Girls i Aukilani e pei ona faatinoina i le Aso Faraile, aso 25 o Fepuari, lea na faia ai se latou mafti day, pe na lei ofuina ai le togiga masani a le aoga.
E oo lava i nai fanau laiti, ua latou lagonaina faatasi le agaga fia fesoasosani i mafatiaga o nai o tatou uso tuaoi i Kalaiesetete, e pei foi ona faatino ai e le tele o nisi faalapotopotoga, o ekalesia, kamupani ma soo se vaega i isi itu o Niu Sila, ae tainane le lalolagi atoa.
O le mufti day a le aoga, o se fuafuaga na talanoaina e taitai o le aoga faapea le fanau o loo i vasega o le Tausaga 13, ina ia ofu ese uma tamaiti i lea aso, ae ao ai a latou tupe nei, faatasi foi ma faiaoga.
O le Diocesan School for Girls, e na o tamaitai lava o loo a‘oa‘oina ai, ma o loo i le pitonuu o Epsom i Aukilani.
E pei ona silasila atu i le ata, o nai fanau aoga uma na, mai lava i le Tausaga 1 e oo i le Tausaga 13, sa potopoto ane i fafo i le malae a le aoga, ma faatulaga ai le foliga o se fatu lapoa mo le pueina o lo latou ata, a o aalaga mai “Kia Kaha Canterbury”!
O le latou feau e momoli atu ai o latou lagona fia lagolago ma fia fesoasoani i nai tagata o loo mafatia ona o le ogaoga o aafiaga o le mafui‘e.
