“Savali mo le Ola 2013”

O lenei polokalame o se vaega o le Matagaluega o le Soifua maloloina a Kuiniselani e agai tonu i le faatāuaina ma le faamalosia pea o le soifua maloloina o tagata Pasefika e aofia ai alo ma fanau Maori  ma o latou aiga.
E fesoasoani malosi i faalapotopotoga e fausia o latou agavaa ma iloa e faatatau i le taumafa o meaai paleni.
Ua iai se vaega ua iai tomai faapitoa ma aoaoina lelei mai atumotu e fitu e iai le Atu Kuki, Fiti, Initia Fiti, Maori, Papua Niu Kini, Samoa ma Toga.
Na faataunuuina lea savaliga i le Aso Toonai, aso 18 o Me 2013  ua faaigoaina o le “MPI Walk 4 Life 2013” i le Robelle Domain, Spriengfield. Sa resitalaina i latou e fai sao pe savavali i le 5 kilomita pe 10 kilomita le mamao.
O nisi malo faaaloalogia sa auai e iai le alii taalo lakapi Dominic Feaunati, le tamaitai taalo netball international a Niu Sila o Pearl Feaunati, le alii lakapi sa taalo muamua mo le Wallabies o Steve Kefu, faapea Nigel Ah Wong o le Queensland Reds, le finalist a le Australia’s Got Talent 2012 o Mark Lowndes, kapeteni o le autaitoafitu a tamaitai Ausetalia o Rebecca Tavo, le alii taalo Fiti i lalo o le 20 tausaga o Kirisi Kuridrani, Gold Coast Titans player Tommy Butterfield, siamupini a Ausetalia i le faaali tino (body building) o Trevor Huni, former PNG Kumuls international rugby team player and current professional body builder Derek Fletcher, ma Michael & Jo Bryers mai le Team Iron Maori.
E maoa‘e le toatele o i latou sa auai ma e tusa ma le 250 tagata na savavali ae leai se totogi ma latou mauaina mitiafu sa maua e i latou uma. O le tamaitai o Inez Manu Sione (Toga faaipoipo ia Bruce o le Samoa), o ia o le Multicultural Co Ordinator sa faaalia lona fiafia ma ia faaalia ua iai le suiga i nisi faalapotopotoga ma e ui ina iai nisi manaoga e ao ona fesoasoani ai i nisi tagata. O le lava o le savali ma le tausia lelei o le soifua maloloina e le mafai ai ona aafia i gasegase aemaise e tatau ona faatāua le taumafa i meaai paleni pe afai e fia faaumiumi lou soifua ma fia maua pea le mafutaga faaauau ma aiga pele.
O le mafuaaga lea o loo faatupeina ai lenei polokalame i lona faagaioiga e le malo mo tagata Maori ma faalapotopotoga a tagata Pasefika auā o loo iai faamaoniga o molimau i mātua e faapea foi alo ma fanau, ma e ao lava ona galulue faatasi e toe faatāuaina le soifua maloloina o tatou lava tagata.
E mafai ona auai atu i nei polokalame masani e leai se totogi, o loo faia  ai le tele o faagaioiga i aso o le vaiaso faapea faaiuga o le vaiaso i le tele o nofoaga o Brisbane e iai Logan, Shorncliffe ma le tele o pitonuu i le itumalo o Ipswich.
Mo nisi faamatalaga i lenei polokalame, e lelei le valaau o le numera lenei 3250 8600 poo le tusi atu foi i le imeli: goodstart@health.qld.gov.au.