E leai se faailoga faapitoa na manumalo ai le tausala o Samoa i le tauvaga na sailia ai se tausala o le Pasefika sa faia i Solomona i le po o le Aso Toonai ua tuanai atu nei. Pe a fua i tulaga o faailoga mo vaega togia poo categories o le tauvaga, na manumalo le tausala a le Atu Kuki i le Sarong ma le faailoga o le laei faaleaganuu lea e ta’ua o le traditionally inspired wear.
O le tausala o Solomona na manumalo i le taleni ae o le vaega o fesili ma tali poo le interview na manumalo ai le tausala o Tonga. O faailoga faapitoa poo special awards na faatoa mau tulaga ai le tausala o Samoa le tamaitai o Susana Fanueli lea na ia maua le Miss Internet ma le Miss Photogenic.
E toasefulu tausala mai atunuu o le Pasefika e pei o le Atu Kuki, Fiti, Tokelau, Papua Niu Kini, Solomona, Amerika Samoa, Hawaii, Tuvalu, Kiripati ma Samoa sa auai i le tausinioga.
O le vaiaso atoa na tea nei sa faagasolo ai polokalame eseese o le tauvaga e pei ona sa asia ai e tggamaitai le falemai o fanauiti i Solomona faapea se asiasiga i vaaiga i talafaasolopito o Solomona i taimi o le taua lona lua o le lalolagi.
I tapenaga a le tausala o Samoa i le faamoemoe sa faaalia e le Palemia o ia o le minisita o le pulega o tagata tafafao, e lē faigofie le tauvaga ona e leai lava se eseesega ma le puipuiga o le siamupini o le ipu o le lalolagi aua o Samoa lea sa umia le pale o le tausala o le Pasefika lea sa umia e Henine Tuivaiti le tausala o Samoa mo le tausaga 2012 i le 2013.
O Setema o le tausaga nei na mae‘a ai lana nofoaiga ina ua manumalo le tamaitai o Susana Fanueli i le pale o le tausala o Samoa e pei ona sa avea ai o ia ma sui o le atunuu i le tauvaga o le Tausala o le Pasefika.
E ui ina le manuia le faamoemoe ae o loo tulaga lelei le taumafaiga a Samoa pe a fua i tamaitai e toasefulu sa tausinio. O le Atu Kuki ua manumalo lana tausala, tulaga lua Tonga, tulaga tolu Samoa, tulaga fā Solomona ae o Amerika Samoa ua tulaga lima lana tausala.
Tulaga o le tauvaga ma faailoga:
Miss South Pacific – Miss Cook Islands
First Runner Up – Miss Tonga
Second Runner Up – Miss Samoa
Third Runner Up – Miss Solomon Islands
Fourth Runner Up – Miss American Samoa
Best Sarong – Miss Cook Islands
Best Traditionally Inspired Wear – Miss Cook Islands
Best Talent – Miss Solomon Islands
Best Interview – Miss Tonga
Special Awards
Best Float – Miss Cook Islands
Miss Internet – Miss Samoa
Miss Personality – Miss Tonga
Miss Photogenic – Miss Samoa
National Tourism Award – Miss American Samoa
