Ole aso 27 o Setema 2016 o se aso tāua ile atalii ia Tony Mark Setefano, aemaise le tapuaiga a nai ona mātua ma aiga, auā ole aso lea na faauuina ai le alii o Tony mai le Iunivesite a Aukilani, i ona faailoga ole Bachelor of Arts (majoring in Geography) male Bachelor of
Laws conjoint degree.
Ole atalii ia Tony Mark Setefano o ona tupuaga e mai afioaga o Laulii ma Faleasiu, Piu ma Niue. Ole viiga lava male faafetai na maualuga i lea aso ma toe faafoi atu ile Atua na foai maia le atamai ile atalii.
E momoli ai le faafetai a nai ona mātua ile susuga ile faafeagaiga ia Pastor Taula ma Thelma Young, faapea le ekalesia Samoa AOG i Hamilton, ona ole latou tapuaiga ma tatalo sa faia e lē aunoa e talosia ai i luma ole Atua a‘oa‘oga ale atalii.
Faafetai mo lau meaalofa mo lou aiga Atalii! O faamanuiaga mai ou mātua o Sefo ma Hinerangi Setefano, o ou tuafāfine, o ou uso, ma ou aiga uma. E faapitoa faamanuiaga mai lou uso o Sefo Jnr i Spain. Faamalo le tauivi!
