Zine’s Island Designs i Wacol
Na amata tatala faitotoa o le Zine’s Island Designs i laufanua o Wacol i le Aso Tofi aso 18 o Tesema. O se miti ua leva ona tuuina i le tamaitai talavou ia Maxine ma nai ona mātua ia Pr Faamalologa ma le faletua ia Tamara Fuesaina a o feagai pea ma le galuega folafola o le faifeau.
E ui lava e na o le lua nisi fale faatau laei tetele ua mautinoa i Brisbane le olaola ma le solo atu i ai o le mamalu o le atunuu, ae faafetai o lea foi ua toe tulai mai lenei tautua ma e ese foi lana ia valaauga.
O le Zine’s Island Designs e matele i le lolomiina o le elei ma e ese foi le matagofie pe a faatino ai togiga a ni aufaipese, autalavou, ma soo se faalapotopotoga. E lē gata i laei lolomiina ai gafa ie ae faatau ai foi ma laei faapea CDs ma DVDs.
O le tautua lea o loo faaigoaina i le suafa o le alo tamaitai o le faafeagaiga ia Pr Faamalologa (Safune) ma le faletua ia Tamara Fuesaina mai Safotu i Savaii ae o loo vaaia lava e le tamaitai ia Maxine Nona Fuesaina.
O meaalofa uma lava taleni mai le Atua e ao lava ona faaaogā lelei e lē gata o manuia mo aiga ae o le tautua foi i le atunuu, o le saunoaga lea a le tamaitai talavou ia Maxine. O taimi tatala o lana tautua:
Aso Gafua – Aso Tofi: 8:30pm – 5pm
Aso Faraile: 8am – 3pm
Aso Sa: 8am – 12pm
Tuatusi: 12 Wacol Station Rd, Wacol
Telefoni: 3879 4253
