Na faatumulia le nofoaga o le Vodafone Events Centre i Mankau i le Aso Faraile talu ai, aso 20 Novema, i le tufaga faailoga a le Vodafone New Zealand Music Awards 2015.
Sa tele lava i papalagi i latou na mau tulaga, ae sa filo ai foi ma nisi o alo o Samoa lea na faamanuiaina i vaega sa tausinio ai.
I le vaega o le musika taitasi na sili ona alumia (Highest selling single) na maua e le alii Samoa o Savage le faailoga taualoa.
Ae mo le album na sili ona alumia lona faatauina, sa manumalo ai i le faailoga taualoa le aufaipese a alii talavou o le Sole Mio!
