Na faatumulia le tauvaga Miss Samoa NSW i Liverpool ile po o le Aso Faraile talu ai, mole sailiga o le lalelei o le 2016-2017, lea na faamanuiaina ai le tamaitai talavou ia Tayla Scanlan o lē na lagolagoina ele SS Security.
O le tamaitai o Tayla Scanlan mai le afioaga o Faleula i Samoa ma sa manumalo ile Faatalanoaga poo le Interview e ui lava e tau lē iloa faasamoa ae sa faateia o ia i lona filifilia.
O le susuga ile faifeau Rev Iakopo Leleimalefaga o le EFKS Canterbury o le Faufautua ale Fono Aoao ale Atunuu i Sini, sa amataliaina le faamoemoe ise tatalo.
Sosoo ai ma le faafeiloai ale tamaitai Tausala o le 2015 ia Afiogatuutasioaiga Jessica Taulaga faapea le tamaitai Pule Sili ia Muliagatele Oketi Vaifale Taulaga ile sini male autu o le faamoemoe.
O le faatumutumuga o lenei tauvaga ia faailoa atu i tamaitai le tāua o le faasamoa, uiga tausaafia, ava male faaaloalo aemaise le va ma tagata.
O le Afioga ile Hai Komesina o Samoa i Sini Fonoti Manogiamanu Etuale Ioane na saunoa e tatala aloaia lenei faamoemoe, lea sa faatasi atu ai male faletua aemaise le Konesula lagolago poo le faauluuluga o le Ofisa Turisi Samoa i Ausetalia le afioga ia Faalavaau Fasitau Ula male faletua ia Laina.
Sa afifio atu foi le taitaifono ole Fono Aoao a Tagata Samoa i Sini male faletua.
O nisi o faamasino e aofia ai Lemalu Rhonda Thompsen, Maryjane McKibbin Schwenke, Aniva Nickel.
O le fetalaiga ia Malagamalii Tavina Lealaitafea sa avea ma tootoo e faafeilaoaia le atunuu ae o le MC o le susuga Tia Kilifi male tamaitai o Patsy Nai.
Faaiuga Aloaia o le Tauvaga
Winner: Miss SS Security – Tayla Scanlan
1st Runner Up: Miss Tatau Creations – Iona Aloemma Taetuli
2nd Runner Up: Miss CFC Finance – Malama Ashleigh Pritchard
3rd Runner Up: Miss Gracious Stylist – Gloria Ng Chok
Faailoga Autu / Main Awards
Best Interview: Miss SS Security – Tayla Scanlan
Best Talent: Miss Tatau Creations – Iona Aloemma Taetuli
Faailoga Faapitoa / Special Awards
Best Puletasi: Miss Tatau Creations – Iona Aloemma Taetuli
Best Evening Gown: Miss Tatau Creations – Iona Aloemma Taetuli
Best Sarong: Miss SS Security – Tayla Scanlan
Miss Internet: Miss Club Fresh – Sina Toomaga
Miss Photogenic: Miss Gracious Stylist – Gloria Ng Chok
Miss Personality: Miss Evergreen Samoa Tours – Celeste Amiutuanai Tuailemafua Miss Beauty with a Purpose: Miss Le Talofa Craft & Fashion – Manicee Lee Silva
