Manatua le Kolisi o Samoa e Sini

O le faamanatuina o le limasefulutasi tausaga o Samoa i Sini nei na manatua ai foi e tama ma teine tuai o le Kolisi o Samoa o loo alala ma galulue iinei si o latou Aoga i Vaivase.
E toatele toa manumanu i matata eseese na fofoa mai i le Kolisi o loo iloga lo latou tautua i Niu Sau Uelese. O le afioga ia Seagaitumua Dr Paniani Patu ma le faletua ia Minerva ua loa lea tautua i le atunuu i gasegase o le tino. O se mapusaga i aiga ma soo se tasi auā e mafai ona fesootai lava i la tatou gagana Samoa.
O le afioga ia Usufono Ioane Lafoai o se alii faasalalau i le leitio SBS lea e faafofoga i ai Samoa e alala i soo se setete o Ausetalia.
O le afioga ia Tilomai Moeaia Tuisila ua loa ona galue faafaiaoga i Pesega lea ua loa foi lana tautua i mafutaga i Sini nei ma le faaliliu upu.
O le susuga ia Chris Tuia le pule o le Digicel na aotauina foi i le Kolisi. O se tasi o auaunaga e lagolago tele i aso tetele o Samoa. I femalagaiga i luga o nofoaafi (City Rail) ua loa i totonu o le Ofisa tele le tautua a Tanuvasa Charlie Tanuvasa.
Faapea le failautusi a le Konesula ia Peti Moaga, le aufaipisinisi ia Semu Sasulu ma Leilua J Uesele. E toatele foi nisi o loo talafaauto i galuega i Ofisa ma kamupani i Sini.