Tulai mai foi se isi faalavelave matautia i Aukilani i Saute i le faaiuga o le vaiaso, e pei ona lipotia mai le maliu ai o se alii 44 tausaga mai se fale i le pitonuu o Magele. I se lipoti mai leoleo o loo taua ai, o le alii lea o Malakai Halatanu, ma e iai le talitonuga o se feeseeseaiga lava tau lotoifale a le aiga lea e tulai mai ai lenei foi faalavelave.
O le latalata i le vaeluaga o le po o le Aso Toonai na logoina ai leoleo ina ia oo atu i se fale o se aiga i Magele, ma e taunuu atu leoleo ua maliu mai si alii lea. Na taua le aafia o le alii o Halatanu i se misa ma se tasi lava o alii foi o le latou aiga, ae o loo faagasolo pea suesuega a leoleo poo gafea tonu le taimi na maliu ai Halatanu, poo le taimi tonu na mita ai ma le isi tagata, pe i se taimi mulimuli ane. E le o agai atu la suesuega a leoleo i se isi tagata e ese mai, ina ua mavae se suesuega na faia i le tino maliu o Halatanu.
