O le fonotele a le Sinoti Samoa Ekalesia Metotisi o le a tatalaina ma amataina i le fono a faifeau ma taitai faapea faletua o le aufaigaluega i le Aso Lulu, aso 11 o le masina lenei o Iulai. O le Aso Tofi, aso 12 o Iulai ua fuafuaina e amataina ai le fono a tupulaga lea e faia ai ma sui o Ausetalia le susuga ia Setu.
O le a faia foi ma le career expo a tupulaga i le Aso Faraile, aso 13 ma aofai uma ai le sinoti i le afiafi mo le tatalaina aloaia ma faafeiloai Sinoti uma o le 2012 ma ua faamoemoe e faaumaina ma tapunia le fonotele i le Aso Sa, aso 15 o Iulai.
O le a faapea ona malaga le susuga i le faafeagaiga ia Vaasili Enosa Masina faapea le faletua ia Luaono ma nisi o le Ekalesia.
Tau ina ia manuia le latō i le ea a le Ekalesia ma ia toesea a nuu potopoto. Ia au o manū ma aliitia polokalame ma fuafuaga auā le Sinoti o lenei tausaga.
