O se tasi o vaega i taaloga nei o le Taitoafitu e talanoa ai i le alii taalo sili ona saoasaoa i lenei taamilosaga.
Na maua faamatalaga a o foufou le amataina o ia taaloga o ta‘ua ai le suafa o se alii Amerika o loo filifilia mai i le autaaalo a Amerika i lenei taamilosaga.
O lenei alii e suafa ia Carlin Isles. E faapea faamatalaga ua mafai ona maua se avanoa e ono momoe ai lenei alii i le semifinals o le 100 mita i taaloga o le Olimipeka i Lonetona.
O lenei alii taalo o loo faamauina lona taimi i le 100 mita i le 10.24sekone faapea e na o le ‘afa sekone e saoasaoa ai i le alii sa taalo i le All Blacks ia Joe Rokocoko.
Na vaaia lenei alii mo le uluai taimi i lenei taaloga o le Taitoafitu ina ua uluai solia le malae i Ausetalia i le vae muamua o le taamilosaga ma sikoa ai i lana uluai taaloga mo Amerika.
O loo iai moemitiga o lenei alii atonu e ofi atu le taaloga lenei o le Taitoafitu i taaloga o le Olimipeka i le 2016, ma atonu o lona avanoa lelei lea e maua ai se pine auro mo Amerika.
O le isi lea vaaiga i le pulega o le Au a Amerika ona ua mafai ona agai mai nisi saoasaoa i taaloga taufetuli e filifilia i le Fitu a Amerika faatasi ai ma le tulaga ua mataina ai le seleni tupe o le faailoga muamua o le vae o le taitoafifu i Amerika.
Manatu i se taimi lata mai lava o le a gugulu ai foi le toatele i lenei alii talavou 23 tausaga le matua, ma ua faataatia nei le tulaga sa momoe ai faatagata momoe i le 100 mita ae taalo loa i le Au Taitoafifu mo sina suiga ma vaavaai i le lumanai.
Faasolo pea lau maimoaga i le Taitoafitu i vaega o loo totoe ma aua ne‘i galo e faamau lelei ane le taimi e ta‘uta‘ua ai lenei alii i lenei lava taaloga i se taimi lata mai.
