E uigaese le tulai mai o le lagolago a atumotu e 9 o le Pasefika sa auai i le McGregor Netball Courts, McGregor, lea sa faataunuuina i Aso Toonai e lua, 1 & 8 o Novema.
O le Team Samoa Netball Qld na faatuina ia Iulai 2014 ona o se faamoemoe ia faia se taamilosaga netipolo a tamaitai o le Pasifika i Kuinisilani nei lea na auai tamaitai mai isi atunuu e aofia ai ma Samoa e 150 tamaitai, e pei ona auina atu i se taimi e lei mamao atu i le lomiga ale Samoa Times.
Na tatalaina lava i le sa+uniga lotu e talosia ai le alofaiva o tamaitai ona alo lea i polokalame. Na maua le iuga ma faamanuiaina ai i le tulaga muamua le au a Upolu Samoa i le Under 13.
O le au a Maori NZ na tulaga muamua i le Under 16. O le tulaga muamua i le Opens na maua e Cook Island, ae na toe faamanuiaina le au a Maori NZ i le Masters.
O le ‘auga lava o aute ia fesootai faatasi le atu Pasefika e taufai pulupulu lima ma feoeoeai pe fefaasoaai a tatou tu ma aganuu e ala i faagatama.
O le komiti sa faafoeina ‘au a Samoa o le Afioga ia Faasuamaleaui Siaosi Tupuola, Virginia Lagā, Ranandy Stanley, Sam Futi, Su‘a Uelese Akeripa, Muliagatele Kelly Chong-Nee, Subrina Crawley faapea le tamaitai ia Soti Letoa.
Momoli le agaga faafetai o le komiti ona o alo ma fanau faapea tamaitai uma sa lagolago mai i le valaau atu.
