A o tau aga atu i taimi faaiu o lenei tausaga, e momoli le agaga faafetai i nai kamupani sa mafai ona lagolago malosi ma faatupeina lenei faagaioiga o le zumba i le pitonuu o Inala.
E faapitoa le faamalo i le susuga ia Dean Bazzavan o le Primoz Motors, Rosita & Opetaia Sione o le Monavie faapea le susuga ia Faalavelave Frank Frost o le Taekwondo.
E tele lava i latou o loo faaaogā nei auaunaga e ala mai i kamupani o le fesoasoani lea i le soifua maloloina o le mamalu o le atunuu e aunoa ma se totogi, ma o le agaga lava lena o le tautua i le atunuu.
Ia tau pule ola le alofa ma le agalelei o le Atua ia aulia atu le tausaga fou i le soifua manuia ma le lagi e mamā toe amataina foi lenei tautua i le masina o Fepuari.
Manuia le Kerisimasi ma le Tausaga Fou i le au zumba uma i Inala ma ia taumafai e faaitiitia le tausami i fasipovi masima ma talo ae faatele fualaau ‘aina e maua ai le fiafia ma le fealofani faasoloatoa!
