Ua mae‘a nei le tatala aloaiaina o le taamilosaga IRB Junior World Championship o le 2013 o loo faagasolo i Farani, ma o le talitonuga maualuga o nisi ia o le lumanai o le taaloga o le lakapi.
E sefululua le aofai o Au o loo tauva ai i lenei taamilosaga ma o loo faamautu uma i le laumua i Nantes, Vannes faapea foi ma La Roche-sur-Yon i le itu i Matu-i Sisifao o Farani.
O lenei taamilosag sa faapena ona talimalo ai Aferika i Saute peitai ane o lenei tausaga o loo talimalo ai nei le atunuu o Farani.
O se tasi o tala fiafia o lenei taamilosaga i le tausaga nei e tusa ai ma talafaasolopito o lenei taamilosaga, o le a mafai ona maimoaina lenei taamilosaga e le lalolagi e silia ma le 317 miliona o aiga i le lalolagi, ma e silia ma le 184 atunuu o le a au atu i ai faasalalauga tuusa‘o ma maimoaina ai lenei taamilosaga i alaata o le televise.
O se matatia tele lea ua ausia i lenei taamilosaga, ma o le ono ai lea o tausaga talu ona amataina lenei taamilosaga, tusa ai ma nisi matematega masalo e silia ma le 280 itula taimi faasalalau e ono mafai ona faaaogāina e faasalalauina ai taaloga e 20 o le taamilosaga.
Mo le maimoaina o le taamilosaga e mafai ona e maimoaina uma taaloga i luma o le alaata o le televise i le upega i tafatailagi
www.irb.com
Na taua foi e le Peresitene Aoao o le IRB lana saunoa o loo lu’itauina ai tama taaalo uma o loo i lenei taamilosaga i le tulaga maualuga oloo ua iai nei lenei taamilosaga oloo mata uma iai le lalolagi, ua maea tapena tulaga uma pau le mea oloo totoe nei o le faatinoina o le taaloga e alo o taaalo mai atunuu eseese o loo tauva ai i le taamilosaga.
Faaalia le agaga fiafia tele o le pulega o le Lakapi a Farani ona o le mafai ona talimalo i lenei taamilosaga aemaise ae ai le avanoa e mafai ai ona faalautele atu ai le lakapi i isi vaega o Farani e pei o Pays de Loire ma Brittany, ae o lenei taamilosaga ua fuafuaina uma taaloga e faia uma i Nantes, La Roche-sur -Yon and Vannes, faamoemoe o le taaloga o le sailia o le Siamupini o le IRB Junior World Championship 2013 i le malae i Vannes i le Aso 23 o Iuni.
Talu ona amata mai lenei taamilosaga i le tausaga 2008, maitauina le faamanuiaina ai o tamataaalo e silia ma le 200 alii taaalo, ma vave siitia ai o latou tulaga i Au tetele a isi atunuu, aemaise ai lava le sini o le tumutumuga o le Lakapi i le lalolagi le Rugby World Cup.
Pool A Pool B Pool C
England Australia Agentina
France Fiji Samoa
South Africa Ireland Scotland
USA New Zealand Wales
