O le fegasoloai o ao o le lagi, o le emo foi o le uila ma pāpā o faititili, o timuga foi ma matagi aemaise o le malulu o le po, e lei faavaivai ai le saili malo o le tamaitai o Faiaai Taealii.
O lea ua a‘e ma le malo lona taumafai i le tali mai o le Atua ua faauuina mai le Iunivesite a Aukilani i le aso 6 o Me i se tasi o Tusipasi maualuga ua ia mauaina. Ia ma saga faafetai pea le Atua i lona faatasi mai. O Faiaai o le alo o le Tofa ia Fitua‘i ma le tausi ia Tai mai le afioaga o Lepa.
Alofaaga mai ou Grandparents o le Afioga Falana‘ipupu Taeaoalii ma le tina ia Faiaai, aemaise ou matua peleina ia Fitua‘i & Tai faapea ou aiga uma. Ia manuia tele nisi o au fuafuaga mo le lumanai. Avatu ai foi faamanuiaga a Taito Taloto ma le aiga, faapea le pulega a le Samoa Times. God bless!
