O le Ekalesia a le AOG Church of Samoa i le pitonuu o Thomastown, o loo taitaia ma vaaia e le susuga i le faafeagaiga ia Pastor Apouani Tapuala Unasa ma le faletua ia Olevia, na mataina a latou tapenaga i le faatāuaina ma le faamamaluina o le Aso Sa sa faapitoa mo Tamā e pei ona se‘i mavae atu nei.
E lē gata i tamā fai tofa o le atunuu, tamā o le talalelei, tamā tausi aiga ma tamā tausi ekalesia, tamā alofa ma tamā aulelei e maua uma i le saofaiga a le Ekalesia. Manuia tamā uma o le Ekalesia!
E lē gata i le ekalesia AOG Church of Samoa i le pitonuu lea o Thomastown, ae o le ekalesia VOC Full Gospel i le pitonuu i Sunshine, sa faia foi se latou sauniga faapitoa mo le faamanatuina o le Aso Sa mo Tamā o le ekalesia.
