Faatāua le Aso Maliu e ala i tala faatino ma faaevagalia

O le aotelega e tele lava o ekalesia na faataunuuina ma faatino tala o le Aso Maliu ma le Toe Tu, ma toe faamanatu faalavalava na oo i le Faaola.
O Iesu lava ia na maliu fua e leai se sala. O le auga o aute ia saga totō pea le fatu e pei ona ia faaaoao mai ai le ala o le lotomaulalo, fefaamagaloai ma le onosai i puapuaga ma faigata e oo mai.
O le Pulega a Brisbane i Saute sa tuufaatasi le latou sauniga i le malumalu o le Ekalesia  a South Brisbane, le susuga i le toeaina ia Rev Tauaaga ma Rita Mataafa, e 12 aulotu.
O le mae‘a ai o toonai o le Aso Sa sa faamanatuina e le lalolagi na toe tu manumalo ai le Faaola, sa tuufaatasia ai Ekalesia a le Uesiliana Metotisi Ausetalia i se latou soo faapitoa o le Aso Maliu, lea foi sa faatinoina ai a latou evagalia i lea afiafi.
Sa mataina le manino o le faatinoina o pepa a fanau i le latou gagana Samoa aemaise o le aano moni o le aso, ia maua pea le agaga o le lotomaulalo e pei ona aumaia e Iesu Keriso.