O se mafutaga mafanafana na maua e le paia o le Faasinoti Ekalesia Metotisi a Kuniselani, e faafofoga manino ai i le saunoaga mamalu a le Peresetene Aoao faapea le faletua ma le aumalaga mai Samoa. Ua taulimaina nei ni inati tāua na faasoa mai e lana auauna e tusa ma le fonotaga sa afea ai i latou a o aga mai mo fonotaga.
O le Peresetene ia Rev Aisoli ma le faletua ia Fualole, na malaga mai faatasi ma nisi sui o le aumalaga. Na faia le aiavā i le po o le Aso Tofi, 14 o Mati, e pei ona masani ai, o valevalealofa. O le faafeagaiga penisione malolo ia Setu Faaniniva na ia momoli lapalapa o malo i se faamua i le Atua, ona alo foi lea i fuafuaga fai a le Faasinoti i lea afiafi.
Sa auai uma le afioga i le Sea, ia Rev So‘afa ma le faletua ia Logotaeao Mulipola, tausi matagaluega ma faletua, faapea le loaloa o le ekalesia i ona tulaga tofi.
O le afioga ia Aiolupo Aukuso Timoteo o ia o le Komiti Tumau, peitai na fai le fetalaiga ia Selesele Asiata ma sui o le faasinoti i lea afiafi e tauaao se matupalapala ma se inati i le Taitai ma le aumalaga.
