O le faamoemoe ua taunuu o le laau o le soifua lea. O se aso matagofie i le Aso Sa ua tuanai na faapaiaina ai tofi o laulau a fono a alii ma tamaitai tuai o Asosi o Aoga maualuluga a le ekalesia a le Katoliko o loo aumau i Kuiniselani.
Sa amataina i le sauniga o le Misasa i le 11.30 i le taeao na taitaiina e le afioga ia Patele Epati Tamati, o le Tamā o le Matagaluega a Kuiniselani. O Aoga nei e aofia ai tama ma teine tuai o Malisi, Sanele, St Mary’s ma Pope Paulo le ono.
E ui lava ina motu mai ma le taula peitai e lē mavae lava le fia mafuta ma fia fesoasoani i nai alo ma fanau o loo aoaoina i aoga a le ekalesia i Samoa sa aotauina ai i latou nei.
Sa faamamafaina i le lauga le finau i mea sili ma tausisi i le Soifua valaauina ua filifilia ai. Na maua se avanoa e fai ai ni molimau mai sui o nei Asosi e fā i nisi o fuafuaga faataoto (strategies) o le tausaga ma faalauiloaina o latou ofisa.
Sa faatumulia lenei Misasa i le mamalu o le Atunuu ma nisi o le Aufaigaluega Paia a le Atua. O le MC poo le Fofoga o le aso, o le failautusi aoao a le Asosi a Marist St Joseph, Leautuli‘ilagi M.S. Vaatausili T.T. Leapai.
O le Tofa Pauli Visesio Afoa, Sui Peresetene a le Malisi na fai ma Sui o le Falefa e momoli se faafetai auā le Aufaigaluega ma Samoa potopoto na auai i lea sauniga tuufaatasi a le Falefa o Asosi a tama ma teine tuai o aoga maualuluga a le Katoliko i Samoa iinei i Kuiniselani.
Sa auai foi le tofa ia Faimalotoa Ioane Pale, o le taitai o le Divine Mercy a Marden, faapea le Divine Mercy a Goodna o Nonu So‘iso‘i, ma le peresetene a le ekalesia a Woodridge Leota Tominiko ma nisi sa matagofie ai le aso.
Ua iai foi le faamoemoe o le tausaga fou o lea ua sauni le Asosi a Paulo 6 latou te taitaia (host) lenei lava foi Misasa tuufaatasi e pei ona masani ai i tausaga uma.
Executive Management – Marist St Joseph’s Old Boys & Sports Association Incorporated (MSJC)
President: Tofa Leafinealii Li‘o Tomasi Maiava
Vice President: Pauli Visesio Afoa
General Secretary: Leautuli‘ilagi M.S. Vaatausili Tuala Tamalelagi Leapai
Treasurer: Muagututia Ikenasio Soo Choon
Patron/Faatamā: Tau‘ili‘ili Pasina William Parlour
Sports Coordinators: Taito Muliava Antonio Washburn (Leader) & Sohil Paresh (Assistant)
Executive Management – St Mary’s Old Girls Association (SMOGA)
President: Faumuina Muliagatele Teresa Washburn
General Secretary: Cheryl Ah Wong
Treasurer: Agnez Felix
Executive Management – Chanel Old Students Association (COSA)
President: Fonomua Jake Pale
Vice President: William McFall
General Secretary: Muliagatele Keli Junior Chong Nee
Treasurer: Misi Soonalote
Executive Management – Paul IV Old Pupils Association (Paulo le 6)
President: Tala Nimo Forbes
General Secretary: Pelu Evile
Treasurer: Tili Perelini Tauilo
