O le malumalu o St John the Baptist i Otara i le Aso Toonai, aso 20 Fepuari 2015, na faapaiaina ai i le sakalameta o le faaipoipoga le alii o Auina James Kaleti ma lana manamea le tamaitai lalelei o Anna Kalolo. O lenei osiga feagaiga na faapaiaina e Father Brian.
O le alii faaipoipo o Auina James Kaleti, o se alo o Motutoa Ioane Nouata Kaleti mai Sogi & Fagamalo Savaii, ma le tina ia Sisigafua Kaleti mai Vaitele Apia. O le tamaitai faaipoipo o se alo o le afioga Sala Setiu & Katerina Kalolo mai Leauvaa & Faleula.
Na mae‘a le sauniga o le faapaiaga ona sosoo lea ma le taumafataga na tapenaina i le Waipuna Lodge. O le tuagane o le tamaitai faaipoipo, susuga Iosefo Sala Kalolo, na avea ma Fofoga o le afiafi (MC).
E molimoli atu ai faamanuiaga mo le ulugalii fou. Tau ina ia sasaa ifo le ‘oa o faamanuiaga a le Tamā oi le lagi i le lua aiga fou, ma ia taialaina e lona agaga la oulua mafutaga o se tane ma se avā. O matou alofaaga ma moomooga silisili mo oulua,
Muliagatele Anastasia & Danny Tanuvasa.
