Faamanuiaga mo Tulaga ma Vineta Aiolupotea

Viiga ma le faaneetaga i le Atua ina ua na faataunuu manuia lo oulua faamoemoe e ala i le faapaiaina o oulua e fai ma aiga o le Atua e ala i le sakarameta paia o le faaipoipoga. O Tulaga Aiolupotea sa soifua a‘e i Porirua. O lona soifua ofoina atu mo le Atua na mafai ai ona femalagaa‘i i soo se vaega o Niu Sila ma isi atunuu ma faapena ai ona feiloai ane ma le tamaitai o Vineta e alaala ma lona aiga i Hamilton.
Ia lea la ua faataunuuina lo laua aso fiafia, ma o se aso foi na ese mai auā o le sauniga Lotu Aso Fitu le tapuaiga a i laua nei. O le Aso Tofi o le vaiaso talu ai na faamauina ai le mafanafana ma le alofa ua faamaoni i lo laua va a o molimauina e le paia ma le mamalu o a la valaaulia i uo ma ē masani ae faasilisili ai nai o laua aiga uma.
Sa lelei ma matagofie mea uma e pei lava ona masani ai aso faapenei, aemaise lava o le loto faafetai ma le agaga faamanū i le Atua, auā ua taunuu lo laua faamoemoe.
Ia le ulugalii fou, ia manuia tele oulua ma ia faamanuiaina lo oulua aiga e le Atua.Vineta manatua o le tamā (Tulaga) o le ulu lea o lo oulua aiga.