O se tina amio lelei, o ai sē na te maua? E momoli atu alofaaga i tina uma o le lalolagi ma ia manuia le faamanatu i lenei aso o au galuega fita ma faigata e te feagai ma oe. Malo le pae, malo le faamafolafola, faafetai i le Atua ua tatou aulia lenei aso tāua i lou soifua galue, ma si ola vaivai i le tele o fita ma faigata i aso fai soo ae talosia le folauga.
A fisaga savili ma laolao peau, folau i le la fala, a taili savili ma lutaluta peau laga vale, folau i la afa. Aua ne‘i malo Satani i lou soifua ma lo‘u ola i soo se tau. Manuia le alo faiva i le Tina o le Ekalesia aemaise o tina uma o le lalolagi.
E aualofa atu i si matou Tina ia Senerita Masunu Utumapu (Peresetene Sinoti o le Au Uso Fealofani Aukilani i Saute). Mauia tele le Aso Sa o Tina. Alofaaga, Marie Popole Mapuilesua ma Tina uma o le Matagaluega Metotisi i Middlemore.
