Faamanuiaga 75 tausaga o le soifua o le Tina matua ia Vasa Tofaeono

O le viiga ma le faafetai i le Atua, ona ua aulia mai e oe lo matou tina pele le atoaga lenei o lou 75 tausaga i le aso 14 Aukuso 2013.         Faafetai mo galuega lelei uma sa e faia mo i matou le fanau o lenei ua matou manuia ai i nei atunuu.
Ia tumau pea faamanuiaga a le Atua mo oe, maua le malosi e auauna atu ai i le Atua ma lana tala lelei.
Alofaaga e lē mavae mai au fanau uma – grandchildren ma great grandchildren i Ausetalia, Amerika ma Niu Sila.
O le faletalimalo o le Holiday Inn i Magele sa faataunuu ai le faamoemoe i le aoauli o le Aso Toonai, 17 Aukuso 2013, i le itula e 1pm i le aoauli, ma sa taitaia le sauniga e le susuga a le alii epikopo o Bishop Feagaiga, i se faafetai i le Atua ua faataunuuina le aso soifua o le tina.
O Bishop Alema Lealaogata mai Ausetalia na avea ma fofoga o le aso.
Sa faatumulia i le mamalu o tina ma tamā matutua aemaise o ana fanau na molimauina lea aso.
Sa matagofie foi saasaaga ma musika o le aso ona o le DJ lauiloa a le alii o Fiu Seti Aloai, ona faaiu lea i faaaloaloga masani o aso faapenei ona lululima lea ma faatofa.