(Naenae, Lower Hutt & Matautu Falelatai)
Auā ua lē o le fitafita, ua lē o le malosi a o lona Agaga Paia, ana le seanoa le faatasi mai o lo tatou Alii o Iesu Keriso, se meamanu tatou te lē aulia mai lenei aso i le fiafia ua tatou faamanatuina ai le atoaga o le 70 tausaga o lou soifua Tina.
O le Aso Toonai, 17 Mati sa faatasi ai le toatele o nisi o aiga o uo ma alo o le tina matua ia Siliua Anae Vaa Lupematasila, i le faleaiga o le George Washington i Lower Hutt mo se taumafataga fiafia e faamanatuina ai le aso soifua o le tina.
Matagofie fesagisagiaiga ma molimau o lea aso, e lē gata i le soifua galue o le tina i totonu o le galuega a le Atua, aemaise foi o se tina e loto alofa ma loto aiga. O le tatalo foi lea a ona aiga, alo ma fanau, ia agalelei le Atua ma faaauau pea lona matagofie aemaise ia foai pea nisi aso se tele o lou soifua tina.
Alofaaga e tele mo oe mai i au uo ma aiga aemaise o le Mafutaga a le Falefa o le Aiga Tauaana, i Naenae, Lower Hutt.
Sa auai le afioga ia Nanai Solo Ualesi & Maumioga ma le fanau, Anae Tuaoi Talauega & Rasela ma le fanau, Misa Vaalotu Leota & Maria ma le fanau, Sila Kolio & Ruta, Sila Pene & Ruth, Misa Talatonu & Stacey, Ana & Willie, Benni & Fesouaina ma Baby Charli, aemaise Hannah Sila & fanau faapea lou aiga atoa ma au grandchildren.