Faamanuiaga 21 tausaga Pevirita Fui‘availili

O le itula e sefulu ma le tasi i le taeao o le Aso Toonai sa tuuina aloaia ai le ki o le 21 tausaga o le tamaitai o Pevirita Fui‘availili e pei ona atoa i le Aso Gafua, aso 24 Ianuari 2011.
O ia o se alo e faasino i le susuga i le faafeagaigai ia Rev Peresitene Fui‘availili mai Falelima, ma le faletua ia Talosaga Fui‘availili mai Mataupu i Lefaga.
O le faafeagaiga o loo tausia le Ekalesia Uesiliana Metotisi Samoa i totonu o Ausetalia.
O ia foi o loo faauluulu i ai le Ekalesia i totonu o Kuiniselani nei. Sa taitaia le sauniga o le faamanuiaga e le susuga ia Ps Onofa o le AOG.
Sa auai foi le susuga ia Pr Tagaloa David Fanene – Uniting Christian Family Church faapea nisi o malo faaaloalogia.
O le tofa ia Seumanu Titi mai Salelologa sa fa ma fofoga o le aso auā faaaloaloga masani i le paia o le aufaigaluega ma le mamalu o Samoa potopoto.
Manuia tele lou 21 tausaga ma ia avea pea oe o se teine lelei, usitai i mātua ae faasilisili ona e ava ma mata‘u i le Atua. Alofaaga mai ou mātua, uso ma tuagane, le ekalesia faapea aiga ma uo.