Faamanatu le Aso Sa o Tina mo tina uma a le Onehunga Samoan Assembly of God

O lenei ekalesia o loo tausia i le taitaiga faaleagaga a le susuga i le faafeagaiga, Pastor Toomata Sione ma le faletua ia Jane Toomata. Sa faamanatuina e le Ekalesia lenei, a le “Onehunga Samoan Assembly of God” le Aso Sa o Tina, aemaise lava mo le mafutaga a tina o le ekalesia.
O lenei mafutaga o loo taitaia e le faletua ia Jane Toomata faapea Rasela Tiatia. O le failautusi ma le teutupe o Tuutuu Pulefou ma Nifo Samania.
O se aso na matuā lagonaina ai e sui uma o lenei mafutaga a tina le pa‘i mai o le aao agalelei o le Atua, a o latou talisapaia tapenaga uma sa faamanatuina ai lo latou aso faapitoa mo lenei foi tausaga i totonu o le ekalesia. Faamanuia tele le Aso Sa o Tina mo outou uma tina!