O le viiga ma le faamanū i le Atua e alalaga ai alo ma fanau faapea aiga ona ua faafualoa le soifua o si o latou tina matua. O le Aso Toonai na faamanatuina ai le 90 tausaga o le toe ulutaia o le atunuu, le tina matua ia Pua Fagalele Samia mai Matautu Falealili. O le agaga faafetai a alo ma fanau faapea aiga ona o le soifua tulu‘i ua foaiina e le Atua i si o latou tina matua, aemaise o loo faafualoa pea lo la soifua ma le tama ia Fagalele Samia Siafolau. Na taitaia le sauniga e le Sea o le Faasinoti Metotisi, le susuga ia Rev Soafa Mulipola e pei ona auai ma le faletua ia Logotaeao aemaise o aiga, uo ma le auvalaaulia.
Alofaaga e lē mavae mai le tamā matua ia Samia Fagalele Siafolau ma le nofoaalo faapea uo ma aiga uma i Ausetalia, Samoa ma Niu Sila. Alolofa atu foi le afioga i le Sea faapea lau ekalesia. Sa fai ma fofoga o le aso, o le susuga ia Nove Nai.
90 Tausaga (12/3/1923) Alofaaga mai le tamā matua
