O le po o le Aso Toonai na faia ai le faafiafiaga a sui o le aumalaga mai Nuu i Vatele i Faleata i Samoa o le Pulega EFKS a Faleata i Sisifo lea o loo faaopea i Brisbane nei.
O nisi na malaga mai e aofia ai le Peresetene le afioga ia Peseta Afoa Arasi Tiotio (Safotu, Sasina, Vaisala & Safune), o le tofa ia Fonoia Sigifili Elisara (Salelologa & Fogatuli), Kolisi Isaako Viki (Vaiee, Lefaga, Fasitoo & Nuusuatia) faapea Taupau Leaupepe Lita Su Makesi o le failatusi (Manono, Fogapoa, Tuasivi, Lelepa & Fasitootai.)
O le auga o aute o le masii mai o nisi o sui o le aumalaga ona o le sailiga seleni e tau amata ai se falelotu ona ua 43 matafale auā tapuaiga.
O le aulotu o loo i totonu ole pulega a Faleata i Sisifo o loo tausia e le susuga ia Rev Pepa Taavao & Ailini (Moataa & Tulaele).
E alofagia le aumalaga e ala i le toatele o nisi o aiga, uo ma o loo opogi le faamoemoe. Na tauaaoina se seleni e tusa ma le $12,400.00 i le latou uluai faamoemoe na faia i le aai o Logan.
O le susuga ia Vaaaoao Faamatuainu Alofipo sa fai ma fofoga o le po, ae o tamaiti o le Alataua, le One Sound Band sa faafiafia le po atoa e ala i musika.