Na matuā faatumulia le fale‘aiga o le Happy Days i le Aso Toonai i aiga o uo faapea le ekalesia a le alii o Eteuati Fagalilo e molimau le atoaga o lona 5 tausaga.
Na amata le faamoemoe i le suniga lotu na taitaia e le susuga i le faafeagaiga ia Paepae Aso Pogi mai le ekalesia o le AOG Magele. Na mae‘a ona saunoa lea o le susuga ia Eteuati Fagalilo e faafeiloaia le mamalu o le auvalaaulia. Na sosoo ai ma le faapaiaina o le keke ma le feulaina o moliga‘o e le alii fai aso fanau. Sa faamalieina loto o tagata i le tele o taumafa faatasi ai ma le mālie o le musika a le DJ a Eteuati sa momoli lelei ai le vaemoa ma le chips i lena aso. Na faaiu le polokalame i faaaloaloga mo le auvalaauilia e pei ona masani ai aso faapenei.
O le susuga ia Pesamino Vai sa fai ma fofoga o le aiga e molimolia se meaalofa faatuavaa mo le susuga i le faafeagaiga faapea le mamalu o le atunuu sa auai, a o le fofoga o le ekalesia le susuga ia Tinufu Siamoa sa fai ma sui o le auvalaaulia e tali faafetai atu i le aiga o le alii fai aso fanau e tusa ma le polokalame matagofie.
O le alii o Eteuati o le alo o le susuga ia Pesamino Vai ma le faletua ia Talalelei Vai.
