Faaiu aoaoga a alii ma taimaitai i tusipasi i galuega i Faletusi

O le faaiuga foi o le vaiaso na faatautaia ai le faauuga o alii ma tamaitai ua maua tusipasi i le galulue ai i Faletusi a aoga laiti ma aoga maualuluga o le atunuu.
O le maea ai o lenei aoaoga sa faatautaia mo le tausaga atoa ua mafai ai ona faaleleia atili lea vaega o le auaunaga a le Matagaluega.
O le tolu ai lea o tausaga o faatautaia lenei taumafaiga ina saga unaia le tomai o fanau ma lo latou fiafia e suesue e ala i tusi faitau ua mafai ona ofo atu ia latou aoaoga.
O le afioga i le Masiofo Filifilia Tamasese sa avea ma malo faaaloalogia i lenei faauuga ae o le Faatonu Sili o le Matagaluega o Aoga Taaloga ma Aganuu o Galumalemana Nuufou Petaia na saunoa i le taua o lenei faamoemoe aemaise ai le unai o le tomai faitau tusi ma le tomai suesue o fanau laiti a o tau fofoa ai le ola aoaoina i nuu ma afioaga eseese.
E silia i le toa 50 le au faauu o lenei tausaga ma o le taape atu ua maea lenei taumafaiga e mafai ai ona amata le tagata faigaluega i totonu o Faletusi a aoga uma a le Malo i le $15 afe tala i le tausaga.
O se polokalame lenei ua tuufaatasia e le Matagaluega o Aoga ma le fesoasoani a le Iunivesite a le Pasefika i Saute i Alafua ma le Iun ivesite Aoao a Samoa i Lepapaigalagala.
O le tamaitai na tulaga muamua i lenei tusipasi o ia lea o Fereta Simanu lea o loo pueina lona ata ma ona alo ma na tauaao atu i ai e le Afioga i le Masiofo Filifilia Tamasese le faailoga maualuga o lenei taumafaiga.