O le tolu ai lenei o vaiaso talu ona faagasolo le vespers a le autalavou a le matagaluega Ekalesia Aso Fitu Samoa Tutoatasi i Kuiniselani.
O se faatasiga o faamanuiaga i le logo mālie o tapenaga faaleagaga o loo faatinoina e tupulaga talavou lea o loo vaevaeina ai autalavou i Regions e 4.
O le po o le Aso Faraile na tea nei na matuai tutulu le aofia ma uluulu i loto o aai ma finagalo le maoae o le feau na momoli e ala i teleni o talavou sa faatinoina ai polokalame aemaise le faatāuaina o le soifua tuuina mo Iesu.
O ekalesia e 2 o Annerly ma Southside lea o loo tausia e le susuga ia Misa Uluao ma le faletua ia Emo Matai‘a.
E toe tasi le vaiaso o lea faatalaleleiga ma o loo vaaia le mana o le Atua e ala i le faagaioiga ae tainane le upu faalaeiau mai lana auauna ia Pastor Johnny o loo teuteua ma toe afifi le tuuaofa‘iga o ma le ‘auga o polokalame.
