E leai se mea e gata mai ai le lē fiafia o le faiaoga o le au Table Tennis a Samoa, i le faaiuga ua taunuu i ai lana ‘au, ona na matuā maualuga lona taofi e maua le pine a Samoa i le table tennis, pe a fua i le tulaga na taaalo ai lana ‘au.
Peitai na saunoa le susuga i le alii faiaoga, o le toatele o le matou ‘au e fou, o le ‘afa o le matou ‘au faatoa taaalo lea lava lea i taaloga nei. E iai matou tamaiti promising for the future, o a’u na coach i le malaga na alu i Saina o si teine lea o Cidrella o le matuā promising lava.
“O le taimi na ou sau e lē o lelei le Asosi ma tulimatai le faagasoloina o tapenaga a le ‘au. O le matou Asosi faatoa toe amata lelei lea e taumafai e faatu se tapu foi lea ia aua ne’i uma taaloga ia ma maui atu ai tamaiti, ae ua ou taumafai ina ia aumai tamaiti e faatupu le fiafia ia faaauau pea ona taaalo i le Table Tennis.”
“Auā o le fafitauli lea e mautinoa a e tupu, pe afai ae uma atu taaloga nei, ia e ta’ape malie ese atu a, se’i vagana foi ua ua toe fai ni taaloga faapea i Samoa ona tumutumu mai foi lea, ae o le manaoga ia faia ni faiga faatosina faaauau e faatosina mai ai tupulaga talavou i le taaloga lenei.”
“O le stage lea e iai le Table Tennis mo Samoa lava ia i taaloga o le Pasefika e lei taitai ona oo i luga o le Level e maua ai se pine auro poo se siliva poo se apa memea, ae o le mea tāua o lea ua iai nai tamaiti talavou, ua vaai atu ua naunau mai e auai i le taaloga lenei.”
“O le taimi lea na malaga ai Samoa i Saina e kolegi mai ai mo taaloga o le Pasefika, e ese le aogā. Ma e tele foi lona aogā i le atina’eina o tomai o sui o le ‘au a Samoa i le Table Tennis.”
“Ou te matuā faatāuaina le avanoa lenei, pe a fua atu i le taumafaiga a si tatou ‘au. Talosia ia tele nisi avanoa faapea mo tatou. Tele le tomai ma le aogā i fanau a Samoa. O le isi vaega lea o le matou ‘au, ua matutua, ma ua fai ifo foi le malosi, ma ua lē toe tutusa foi.”
“O le mea sili foi ona tāua i la’u matau, ona o le toatele o le fanau talavou o loo auai i taaloga a le Pasefika ma ou te faafetaia latou. O le ā se isi taimi e filifili ai le aumalaga mo Saina ia filifili tulaga lelei silisili, auā e omai foi e matuā manaia lo latou taumafai.”
“O tamaiti uma a ia na o i Saina, na matuā telē le avanoa i le lumanai mo latou i taaloga, ma ou te matuā faamalosiau ina ia filifili le tupulaga talavou ma ave i ai le avanoa e tauva ai, faasee matou ia ua matutua ae ave le avanoa i le tupulaga talavou.”
Na faaalia foi le faanoanoa o le alii faiaoga i se tasi o ana numera tasi, lea na manatu e tatau ona maua ai se pine mo Samoa, peitai, e lei tulai mai i le tulaga e tatau ona iai. O a’u o le faiaoga ua ou masani lelei lava i le taalo a lea ma lea.
O le alii lea numera tasi e lei tuu atoa lelei lona mafaufau i le taaloga ma ou te lē iloa pe aisea. Ui i lea, a lelei ona kolegi tamaiti o le lelei foi lea o le alualu i luma mo le lumanai.
Na faaalia foi e le faiaoga, o le isi lea tulaga e ao ona silasila i ai Asosi o taaloga taitasi mo Samoa lava ia i le taaloga lea o le table tennis o le maopoopo o le asosi. O le Table Tennis lava ia, o le tulaga masani e omai i le taimi o taaloga, ae uma loa foi taaloga ona ta’ape atu foi lea.
