E matagofie ma lalelei le soifua laulelei

O le viiga ma faafetai i le Atua ona o lona alofa ma le agalelei faifai pea mo i tatou lana fanau. O le mitamitaga lea sa faagaeetia ai le ekalesia PIPC a North Shore ina ua siamupini i le tauvaga a le ENUA OLA AIGA CHALLENGE 2013.
O lenei tauvaga sa faatautaia lea e le Westfono mai Aukilani i Sisifo ma le Pasefika Intergrated Health i North Shore.
E 24 Ekalesia sa auai i lenei tauvaga e aofia ai le 10 o aulotu mai North Shore lea na sola ai le PIC ma le siamupini.
O le autū o lenei faamoemoe o le soifua maloloina lava lea o tagata uma, ma ia umi le soifua auā lava mafutaga a mātua ma fanau, ia faaitiitia ma puipuia mai nai o tatou tagata mai le tele o faama‘i.
O le savali lava ma taumafa paleni o le fofo lea o nei polokalame uma.
E 5 faailoga na maua e North Shore PIPC (1) – Inspirational Story 55 tausaga i luga na maua lea e Vaivase Suaniu; (2) Inspiration Story Female na maua e Emi Suaniu-Sofai; (3) Inspiration youth – Sesilia Vagana. (4) Highest Percentage Group Weightloss; (5) Supreme Award poo le Ipu o le tauvaga.
O le moemitiga ia avea le PIC North Shore ma ekalesia e “Soifua Maloloina” uma ona tagata i le lumanai.
E momoli ai le faafetai tele ia Lita Foliaki (WDHB) mo le faatupeina o lenei polokame (Healthy Eating-Healthy Action), le tamaitai ia Lauititi Fesili ma Tenga Schwalger o Co-ordinators o le tauvaga.
Faafetai ia Trevor Esera, Fotu Samoa ma Toetu Samoa mo le koleniina o le au faamalositino.
E talia so o se tasi e fia auai i lenei polokalame, faafesootai ane Emi i le Ta Fesilafai Aoga Amata (09 4820310) mo nisi faamatalaga. Eat Healthy – Exercise & Be Happy = Healthy Lifestyle!