O le kamupani a le Forsgren NZ Ltd ua latou uluai faatuina nei ma aumaia se tasi o faleaiga logologoa i totonu o Niu Sila.
O le Carl’s Jr. Charbroiled Burgers, ua atoa le 70 tausaga talu ona mauaina ma amata ai i totonu o Kalefonia i le malo tele o Amerika.
Peitai o le sailimalo o tamafanau a le atunuu, na mafua ai ona oo atu i Tutuila, ma o se uluai atunuu lea o le Pasefika ua faatuina ai lea faleaiga, ma ua faamaonia foi le matua manaomia o lenei taumafa, le burger e le atunuu.
E logologoa ma aave tala o lea foi tautua i le tele o ana gasesega, i totonu lava o Amerika ma le lalolagi, aemaise lava o lana oloa faapitoa, le Burger, e pei ona faaigoaina ai o le Carl’s Jr. Charbroiled Burgers.
O loo ua i le Atu Asia isi ona lala, ma le tasi sa i le Pasefika, ma muamua ai Tutuila, a ua faaluaina nei ina ua tatala Niu Sila o le isi atunuu lona lua i le Pasefika.
