Ana lē seanoa Ieova, e lē ausia le 50 tausaga – Faletua ia Ianeta Tuiā

O le faamanatuina o le iupeli auro o le faletua ia Ianeta, o se taulaga faafetai i le Atua mai le taele o lona loto ma le finagalo o le faletua aemaise le susuga i le faafeagaiga ia Pr Togamau ma le nofoaalo, auā ana l
ē seanoa Ieova, poo penei e lē o maua lenei fiafiaga sili.
Na faamanatuina le aso soifua o le faletua i le ekalesia Aso Fitu Samoa Tutoatasi lea o loo galulue ai ma le faafeagaiga 50 ma le aiga.
E toatele aiga ma uo faapea nisi faletua e pei o Lasi Masepau sa malaga mamao Niu Sila e molimauina lea faamoemoe tāua.
O se faletua lototele ma faatuatua a o tauivi ma feagai ma gasegase o le tino.
Viia le Atua ua iai lana faamalologa ma ua agalelei e ala i le suia o le ma‘i i le malosi.         O Ianeta o le faletua o le faafeagaiga ia Pr Togamau ekalesia SISDAC a Kingwood, lea o loo feagai ma le upu ole poto i luga o le Penina o Asuisui.
Ua suia foi lagona fiafia i le faanoanoa o le matagaluega ona ua sāua i le faalogo o le a siitia atu i laua ma le nofoaalo e taitaia le matagaluega SISDAC i Kalaisetete i Niu Sila.         O le a misia lea auauna ma le aiga auā e tele sona sao e lē gata o le leitio ae faapea le matagaluega pe afai ae faamaonia le siitiaga a le aufaigaluega faifeau.
E ui i lea o lenei soifuaga e lē tumau ua valoia o loo iai lo tatou nuu moni i le lagi tatou te lē toe faamavae ai ma faatofa.
Manuia lou Iupeli Auro, Ianeta Tuia!