Molimauina le papatutu‘i o le tele o maimoaga i le amataina o le taamilosga Super 15 o lenei tausaga i le uluai taaloga lea na feiloai ai le Rebels ma le Force, sosoo ai ma le taaloga i le va o Brumbies ma Reds ae mālōlō Waratahs e leai se taaloga. O le tele o taaloga i le faaiuga o le vaiaso na se‘i mavae ua na o Au lava mai Ausetalia.
I tala faasolopito o lenei taamilosaga, na uluai amata mai i le 1996 seia oo mai i le tausaga nei. O le Au a le Blues na uluai Siamupini i le 1996 ma le 1997. Mae‘a lea sosoo ai ma Crusaders mai le 1998-2000, Brumbies i le 2001 ae toe see atu foi i le Crusaders i le 2002, Blues i le 2003, Brumbies 2004, faoa foi e le Crusaders i le 2005-2006; i le 2007 na manumalo Bulls, o le 2008 na toe see foi i le Crusaders, siamupini sosoo ai loa ma le Bulls mai le 2009 -2010; o le 2011 na siamupini le Reds, ae i le tausaga talu ai lea na siamupini ai loa le Chiefs mo le uluai taimi i lenei taamilosaga.
E 15 Au o loo tausinio i lenei taamilosaga, ona o le tulaga maualuga tele ua agai i ai lenei taamilosaga. E iai le talitonuga o le mafuaaga foi lea o le siitia maualuga ai o le taaloga i atunuu ia e pei o Aferika i Saute, Ausetalia faapea ai ma Niu Sila i le Lakapi.
Tasi foi lenei o taamilosaga o loo taulai i ai le vaavaai o nisi o alo Pasefika. I le faagasologa la o le taamilosaga o le tausaga nei 2013, masalo poo le vaiaso lona lua o Iulai e mae‘a ai rounds o le taamilosaga ona sosoo loa lea ma Semi-finals, ae ua faapitoa le aso 3 o Aukuso e faataunuuina ai ma taualuga ai loa ma le Super 15 i le sailia o le Siamupini o le 2013.
O se vaaaiga la lenei i Au taitasi i Faiaoga ma nisi o loo avea ma fetu pupula mai ia Au.
Blues
Coach: Sir John Kirwan
Asst Coach: Nick Byne
Grant Doorey
Sir Graham Henry
Manager: Bryce Anderson
o loo taulai le talitonuga o le pulega a le Blues i le tomai o le alii o Charles Piutau ma Ofa Tu’ungafasi i le tausaga nei
Chiefs
Coach: Dave Rennie
Asst Coach: Andrew Strawbridge
Tom Coventry
Wayne Smith
Manager: Stew Williams
o loo faamoemoeina foi nisi se toalua i le pulega o lenei au le alii ia Aaron Cruden ma le alii ia Andrew Horrell
Hurricanes
Coach: Mark Hammett
Asst Coach : Alama Ieremia
Manager: Tony Ward
O le alii ia Andre Taylor ma le alii ia Ardie Savea, oloo iai le talitonuga a le pulega o fetu pupula ia mai le Hurricanes
Crusaders
Coach: Todd Blackadder
Asst Coach: Dave Hewett
Tabai Matson
Aaron Mauger
Manager: Angus Gardiner
o loo tumau pea le faamoemoega o lenei au i le alii o Kieran Read faatasi ai ma le alii ia Johnny McNicholl
Highlanders
Coach: Jamie Joseph
Asst Coach: Scott McLeod
Jon Preston
Manager: Graham Purvis.
I se vaavaai mamao atu i le Au lenei, e le taumateina le faamoermoeina o le alii ia Maa Nonu faatasi ai ma se tasi o fetu pupula o lenei taimi ia Jason Emery. O le vaiaso fou lea e faamaea atu ai Au oloo totoe faatasi ai ma latou pulega aemaise ni tama taaalo o loo faamoemoe iai i lenei taamilosaga o le tausaga nei 2013. Se vaaiga la lenei i taaloga o lenei vaiaso lona lua o le taamilosaga.
Round 2 Super Rugby
Friday Feb 22 Highlanders vs Chiefs
22 Rebels vs Brmbies
22 Bulls vs Stomers
Sat Feb 23 Hurricanes vs Blues
23 Reds vs Waratah
23 Cheeters vs Sharks
23 Kings vs Force
Bye Crusaders.
O se vaaiga la lenei i faaiuga o taaloga o le vaiaso talu ai.
Brumbies 24 Reds 6
Rebels 30 Force 23
