O le vaiaso na tea nei sa faatumulia ai le Malumalu o le EFKS i Fairfield i le sauniga Lotu o le Talalelei. O le afioga lava i le Faatonu le Toeaina ia Rev Peleti Toese Toailoa na taitai i lea sauniga a le Falevalu, lea e aofia ai nisi o aulotu e pei o Doonside, EFKS, Granville, CrossRoad, Fairfield ma Green Valley lea na auai. E le gata o le matagofie o viiga o le Atua ma le upu fetalai, ae o se vaaiga i le tumutumu ai foi o fanau talavou o se faailoga o le uluola o vasega o Aoga Aso Sa ma autalavou.
O le Matua o le lauga a le Toeaina Faatonu Rev Peleti Toese Toailoa ia “Asamo le Talalelei i Lou aiga.”
Talu na taunuu atu Ioane Viliamu i le Savali o le Filemu i Sapapalii ma taunuu ai le valoaga a Nafanua i se Malo Taliilagi.
“Ia faapea foi na tala‘i atu i soo se tasi le matagofie o lo tatou Alii aemaise le saga faamausali o le talalelei i totonu o aiga taitasi.”
O le Aso Sa o le Talalelei i le kalena lotu a le EFKS e faamanatuina ai le taunuu o le Lotu i Sapapalii i le tausaga 1830 ma Talia e Malietoa Vainuupo, lea na suia ai ma lona suafa ia Malietoa Tavita.
