O le afiafi o le Aso Sa, 20 o Me 2012 na potopoto uma ai aiga ma uo o le tausi ia Motiana Laulu Nuu Tuia i lona lava aiga i Logan Central mo le faamanatu ina o lona aso soifua ua atoa iai le 50 o tausaga talu ona faamanuiaina ai nai ona matua o Faifaimalie Amilale Laulu mai le alalafaga o Faaala Palauli faapea si ona tina ia Lusila mai le alalafaga o Vailoa i Faleata.
O le faletua ia Motiana o loo faatasi ma si ona alii o Logo Nuu Tuia, e toafitu nai ona alo, Chris, BJ, Natal, Stella, Tony, Teneika ma Dominic faapea fanau a lana fanau o Menya, Jayden ma Hezron.
O ia o se tina galue malosi, sa galue i Samoa o se fomai tausimai pasi (Register Nurse) malaga mai i Niu Sila ma faaauau ai lava lana taleni faafomai. Sa auai le Peresitene o le Aiga Samoa i Logan City le susuga ia Mataafa Tareta Hakula Siakisini, o alofaga e le mavae mai lou aiga atoa i Logan City faapea si au fanau pele, ae faasilisili mai lau tautoga ia Logo Nuu Tuia. Ia manuia tele le atoaga o lou 50 tausaga Motiana Tuia.
