$74,000 Ausetalia mo le tusigaigoa EFKS Vailuutai & Faleatiu

O le faamoemoe o le Ekalesia ia fausia ai ma faalelei le mauga tapuai o Vailuutai ma Faleatiu o loo galulue ai le susuga i le faifeau ia Rev Mose Galuvao ma le faletua ia Peti. E lei malaga mai le susuga i le faafeagaiga ae peitai o le susuga i le aoao fesoasoani ia Toleafoa Enele na malaga mai faatasi ma nisi o matai o afioaga.
O le Hall a le Maluapapa EFKS i Fairfield sa faagasolo ai le faamoemoe ma na vaaia ai foi le maau ma le milomilosia o aiga ma sui o afioaga e lua o loo aumau i Sini nei.
O nisi o sui muamua o le EFKS i Fairfield le susuga ia Rev Mose Galuvao ma le faletua ia Peti lea sa tapuai ai ae lei valaau i ai le EFKS a Vailuutai ma Faleatiu mai Samoa.