21 Tausaga ua tatau ai le Faafetai

O se laasaga lelei tele le ausia ma le aulia e se tama poo se teine talavou o le 21 tausaga o le soifua. O le taulealea o Falaula Faamausili ua aulia manuia mai lona 21 tausaga ma sa faapena foi ona mafuta ai nai ona aiga i Samataitai i Savaii i le Aso Toonai, ma ave a‘e ai le viiga ma le faafetai i le Atua e tusa ma lana tausiga faaauau pea aemaise foi o le ola ma le malosi i le feagai ai o ia ma aoaoga.
O moomooga alofa ma faamanuiaga mo oe Falaula. Ia maua pea e oe le malosi, le poto ma le atamai e faaauau ai pea lou feagai ai ma aoaoga aemaise foi o lena e fai au trainings mo sau galuega. Ia usitai lelei i nai ou mātua ma ia manuia tele au fuafuaga uma mo le lumanai.
O alofaaga mo oe mai ou aiga uma lava i soo se atunuu ma Samoa ae faasilisili ai faamanuiaga mai ou mātua ia Saveasoi Poese Faamausili ma Leuila Faamausili aemaise si ou tina matua ia Amituana‘i Laasaga Faamausili.