O nisi o suafa iloga o tagata tapolo faavaomalo a Ausetalia e aofia ai Aaron Baddeley ma o le ituaiga taalo lea o loo tuliloa e sui tauva e to‘a onosefulu o loo fuafua e tausinio i le tauvaga a le Fono Aoao a Tagata Samoa e faia i le Aso Faraile nei, 7 o Mati 2015.
Saunoa le faatonu o le tauvaga Rev Iakopo Leleimalefaga o lenei faamoemoe o tapenaga a le Fono Aoao mo sauniga o le Tutoatasi o le 2015 i Sini nei.
Ua faaiugafonoina e Le Fono Aoao faapea le Lau Samoa e galulue faatasi mo le polokalameina o le Sisigafu‘a ma o tapenaga lenei a le Fono e saili ai nai seleni mo le paketi ua pasi.
O loo galulue foi ma le Komiti o le taamilosaga tapolo le susuga ia Rev Aleni Filipaina ma nisi tamalii o le kalapu tapolo a Fairfield.
O le itula e fitu i le taeao o le Aso Toonai nei, 7 o Mati e amata ai lenei tauvaga ma e lua vaega o le tausinioga.
Muamua o le itupa saoloto (open) ae o le isi vaega e fou (learners).
E lima faailoga tupe ma Ipu lea e aofia ai le Longest Drive aemaise le latalata i le pine (nearest to the pin).
