O le fua sa e lūlū e te toe selesele. O loifofoga o le fiafia ma loifofoga o le faanoanoa na fesuiai ai lagona o le tele o mātua Samoa i aoga a Kuiniselani e pei ona faataunuuina ai faauuga i le Aso Lulu ma le Aso Tofi o le vaiso ua tuanai, na faataunuuina ai le tele o faauuga o le vasega faaiu poo le Year 12, sa faataunuuina ai foi le tele o formals na tele ina faia ai i lea vaiaso a i latou i le vasega faaiu.
E tele mātua Samoa ua matuā faafiafiaina i taumafaiga a alo ma fanau e pei ona iai le tele o aoga faaitumalo a Kuiniselani. O le aoga a Redbank Plains e lata i le 200 tamaiti faauu ae o le 3 o vaefa o alo ma fanau Samoa.
Se tasi o aoga faaitumalo a Glenala o loo avea ai le tofa ia Tagoiaiga Bruce Sione ma liaison officer e tele foi alo ma fanau Samoa e lē gata ina avea ma taitai ae o le tulaga lelei i itu tau aoaoga.
O le aoga a Woodridge State High School na faauu ai tamaiti e 40. Na faia le faauuga i le Aso Lulu o le sikolasipi aoao a le Setete i le aoga a Woodridge na maua e le tamaitai Samoa o Sāchi Sapani na maua le sikolasipi i le (Womens accounting association a QLd).
Toatele o nei tamaiti e to‘a 10 ua maua avanoa e mautinoa e ulufale atu ai i le univesite a Grifith a o nisi o loo faatali pea le iuga o le OP. O nisi foi o alo o Samoa sa faamanuiaina i le overal performance i le Vasega 8 (SDA); Vasega 9 (SDA) 10 ma le (SDA) Year 11 o le Samoa o le (EFKS).
O le tele foi o tamaiti Samoa e faamanuiaina e avea ma kapeteni e pei ona iai le tele o tausaga ua mavae.
O le tofa ia Faamatuainu Vaaaoao Alofipo o loo avea ma Liaison Officer i le aoga a Woodridge State High School.
