E lē o toe nofo ilo le lalolagi i le agalelei o le Malo o Saina e lē gata o isi atunuu ae o Samoa lea ua atoa le 40 tausaga o le la mafutaga faaleuo.
O fesoasoani a lenei Malo ua sapi ai Samoa o loo lotolotoi ai i totonu ma masalosaloga o taitai o nisi o isi Malo tetele o le lalolagi.
Ae mo Samoa lava ia na amata mai lava i taimi o pulega faakolone a Siamani ma Niu Sila le sootaga o ona tagata ma tagata Saina auā sa aumai e malo sa pulea Samoa tagata o lea atunuu ma faafaigaluega i faatoaga e pei o koko, ma le niu sa faalagolago tele i ai le atinae o Samoa i ia vaitau.
Ina ua tutoatasi le atunuu ma amata pulea e ona lava tagata lona Malo, e laasia loa e Samoa le valu o tausaga o lona malo tumaoti ae aloaia loa lana osiga feagaiga ma Saina lea ua oo mai lava i nei aso o loo tumau pea.
O le ata manino foi lea o le mafanafana o lenei mafutaga faaleuo ona ua masaa mai pea le agalelei o lea Malo ma ua lē masino. Ua o mai ai foi ma tagata faipisinisi mai Saina ma faagaioi a latou pisinisi i le atunuu ma ua fesoasoani tele i le tamaoaiga aemaise ua maua ai ma galuega a o tatou tagata.
O lea ua vaaia pea e lē o motusia lenei agalelei auā ua sainia nei se feagaiga ma le Matagaluega o Aoga Taaloga ma Aganuu ma ua maua ai e le Kolisi o Samoa ni fesoasoani e lē gata o avanoa sikolasipi ua faatupe mai e le aai o Huizhou, ae ua aumai foi ma meataalo ma uila vilivae mo alo ma fanau o lea kolisi a le Malo. O le vaiaso ua mavae na pine ai lea agalelei o Saina i le atinae o aoga a le fanau i le atunuu ina ua afea e le Pulenuu o Huizhou le Kolisi o Samoa ma nisi o lana aumalaga ma aloaia ai le latou fesoasoani.
O le tasi o pine faamau o lenei osiga feagaiga o le avea lea o le Kolisi o Samoa ma se tasi o uso tamaitai o se kolisi maualuga i le itumalo o Guangdong province lea o loo aofia ai i totonu ma lona aai o Huizhou.
O le saunoaga a le alii pulenuu o lenei aai tele na ia folafola ai nisi fesoasoani o le a afea ai lea kolisi a le Malo o Samoa i le lumanai.
O lona uiga o fanau lalovaoa a le atunuu o loo aoaoina i lea kolisi maualuga ua silasila i se isi lumanai mo i latou ma saga faalautele ai lo latou tomai. O le afea o Samoa e lea aumalaga ua osifeagaiga ai foi lea aai o Saina ma le taulaga o Apia ma avea o se isi taulaga e solo maimoa mai i ai tagata o Saina e tafafao ma faaalu ai a latou seleni.
E lē o toe nofo ilo le lalolagi i le agalelei o le Malo o Saina e lē gata o isi atunuu ae o Samoa lea ua atoa le 40 tausaga o le la mafutaga faaleuo.
O fesoasoani a lenei Malo ua sapi ai Samoa o loo lotolotoi ai i totonu ma masalosaloga o taitai o nisi o isi Malo tetele o le lalolagi.
Ae mo Samoa lava ia na amata mai lava i taimi o pulega faakolone a Siamani ma Niu Sila le sootaga o ona tagata ma tagata Saina auā sa aumai e malo sa pulea Samoa tagata o lea atunuu ma faafaigaluega i faatoaga e pei o koko, ma le niu sa faalagolago tele i ai le atinae o Samoa i ia vaitau.
Ina ua tutoatasi le atunuu ma amata pulea e ona lava tagata lona Malo, e laasia loa e Samoa le valu o tausaga o lona malo tumaoti ae aloaia loa lana osiga feagaiga ma Saina lea ua oo mai lava i nei aso o loo tumau pea.
O le ata manino foi lea o le mafanafana o lenei mafutaga faaleuo ona ua masaa mai pea le agalelei o lea Malo ma ua lē masino. Ua o mai ai foi ma tagata faipisinisi mai Saina ma faagaioi a latou pisinisi i le atunuu ma ua fesoasoani tele i le tamaoaiga aemaise ua maua ai ma galuega a o tatou tagata.
O lea ua vaaia pea e lē o motusia lenei agalelei auā ua sainia nei se feagaiga ma le Matagaluega o Aoga Taaloga ma Aganuu ma ua maua ai e le Kolisi o Samoa ni fesoasoani e lē gata o avanoa sikolasipi ua faatupe mai e le aai o Huizhou, ae ua aumai foi ma meataalo ma uila vilivae mo alo ma fanau o lea kolisi a le Malo. O le vaiaso ua mavae na pine ai lea agalelei o Saina i le atinae o aoga a le fanau i le atunuu ina ua afea e le Pulenuu o Huizhou le Kolisi o Samoa ma nisi o lana aumalaga ma aloaia ai le latou fesoasoani.
O le tasi o pine faamau o lenei osiga feagaiga o le avea lea o le Kolisi o Samoa ma se tasi o uso tamaitai o se kolisi maualuga i le itumalo o Guangdong province lea o loo aofia ai i totonu ma lona aai o Huizhou.
O le saunoaga a le alii pulenuu o lenei aai tele na ia folafola ai nisi fesoasoani o le a afea ai lea kolisi a le Malo o Samoa i le lumanai.
O lona uiga o fanau lalovaoa a le atunuu o loo aoaoina i lea kolisi maualuga ua silasila i se isi lumanai mo i latou ma saga faalautele ai lo latou tomai. O le afea o Samoa e lea aumalaga ua osifeagaiga ai foi lea aai o Saina ma le taulaga o Apia ma avea o se isi taulaga e solo maimoa mai i ai tagata o Saina e tafafao ma faaalu ai a latou seleni.
