President Hannant & faletua ia Laura ile ogatotonu (itu taumatau), President Ing & faletua ia Narie o laua o Samoa, ma President Pene & faletua ia Monique (itu agavale), ile Ball na faia ile po ole Aso Faraile

President Hannant & faletua ia Laura ile ogatotonu (itu taumatau), President Ing & faletua ia Narie o laua o Samoa, ma President Pene & faletua ia Monique (itu agavale), ile Ball na faia ile po ole Aso Faraile

Na tulimatai ma tapenapena le loaloa ile paia ma le mamalu ole Brisbane Australia Centenary Stake, ale Ekalesia a Iesu Keriso ole Au Paia O Aso e Gata Ai, ile latou Ball lea sa faia ile po ole Aso Faraile ua tuanai, a’o lumanai ai le Konefesi ile Aso Toonai.

Ose po fiafia, ole viiga siitia ma feiloaiga auā e moni ai le upu “ole faamoemoe ua taunuu ole laau ole soifua lea”. Na feiloai ai ise taumafataga tele e fiafia ai auā e faatasi ile tausaga ma faia lenei Ball, ole ala lea na pulunaunau ai le toatele e fia auai auā ose avanoa faaauro lea e feiloai ai tagata uma. E 5 Uarota, 2 Paranesi, e aofia ai le Paranesi Samoa e tasi.

Na amataina aloaia ma tatala le polokalame ole Konefesi ile Aso Toonai i sauniga lotu ale Au Pirisitua sosoo ai le sauniga lotu tele lea faatoa ta’ape ile afiafi, ma ose tasi foi lenei o Stake toatele i totonu o Brisbane.

Ole Aso Sa sa faaiuina ai le Konefesi ma polokalame uma sa faagasolo mo le faaiuga o le vaiaso, ma ose fiafiaga sili i tagata lotu lenei mafutaga e manatua ai le faaiuga o lenei vaiaso auā e faatasi lava ile tausaga ma faia e pei ona iai se’i vagana ua iai nisi vaega e fia soalaupuleina. Ole Peresetene ole Stake e aofia ai President Hannant & faletua ia Laura e pei silasila ile ata, faapea President Ing ma le faletua o Narie o laua o Samoa, ma President Pene ma le faletua ia Monique.

O taitai nei latou te vaaia atoa Iunite e 7 ile Brisbane Australia Centenary Stake. E toatele foi Samoa oloo mautofi ile tele o isi vaega o stakes i Kuiniselani.

E tupu ma ola le fuainumera ole ekalesia i tausaga uma ele gata o tagata masani ae o i latou foi e talitonu, filifili ma liliu mai i totonu ole ekalesia.

Ole isi vaega e molimauina, ole tele lea o tupulaga talavou ale ekalesia oloo taunuu a latou miti, ile ofoina o latou soifua mo ni tausaga e tala’i ai le finagalo ole Tamā oi le lagi, ma ole faanaunauga lea ma le lumanai o Ekalesia, mātua ma aiga.

Comments

comments