Faamanuiaga mo le afafine, le tamaitai o Jireh Mamea, e pei ona faamanuiaina ai o ia i le Aso Faraile talu ai, i faailoga e lima, mai le laugatogi a lana aoga, le Otahuhu Intermediate School.
E faafoi ai le viiga ma le faafetai i le Tamā o i le lagi, ona o lana tausiga malu ia te oe le afafine, ma lona foai mai o le atamai ia te oe Jireh, ua mafai ai ona iu manuia au aoga i lena foi laasaga sa e iai (intermediate level), ma faamanuiaina ai oe i ni faailoga. Talosia ia aveaveai pea le matala o lou mafaufau ma e toaga e suesue, a o amata ona siisii atu i luga le tulaga o au aoga.
Talu ina ia e manatua, o le faitotoa lava i le atamai, o le teine e ola mata‘u i le Atua, auā o Ia lava le puna o le atamai uma. O alofaaga o lou tuagane o Jiroh ma ou mātua o Lenni & Solly Mamea. O nei nei o faailoga na manumalo ai Jireh Mamea: Otahuhu Intermediate School Drama Cup, Excellence in Choir, Excellence in Schoolwide participation, Honours Certificate for Environmental, Excellence in Production.
